SCENA SETTIMA

Luigi e detta.

LUIGI: Emì, Emì, te so’ venuta a dicere na cosa che certo te fa piacere.

EMILIA: Che cosa?

LUIGI: Patete s’è accorto che D. Peppeniello steve dinto a n’angolo de muro chiagnenno e ha ditto nfàccia a D. Saverio: ma che have chillu guaglione, pecché nce affligge sempe, me pare proprio nu malaurio. Si seguita accussì, caro Saverio, io a figliema nun ce la dongo certo.

EMILIA: Veramente?

LUIGI: E quanno pateto ha ditto chesti parole, io aggio guardato nfaccia a D. Peppeniello e aggio visto ca isso a fatto la faccia allegra.

EMILIA: Veramente? E pecché?

LUIGI: Pecché io credo ca lo guaglione ave piacere che se scumbina tutte cose.