SCENA ULTIMA

Felice, Beatrice, Agapito, Boroboamo, Elvira, Candida, Alessio, Ciccillo, poi Ambrogio, Carmela, Luigi, Bettina, Salvatore, Michele, e detti.

CANDIDA (Felice, Beatrice e Agapito escono per primi).

BOROBOAMO, ALESSIO e CICCILLO: Vivano gli sposi!

ELVIRA e FELICE: Grazie, grazie.

CANDIDA: Avite da campà cient’anne, sempre allegre e sempre contente!

PEPPINO (a Felice): Mille auguri!...

FELICE: Grazie. (Gli dà una moneta.) (Escono Luigi e Carmela, poi Ambrogio, Bettina, Salvatore e Michele.)

SALVATORE, MICHELE e BETTINA: Vivano gli sposi!

LUIGI: Grazie.

BETTINA: Salute e contentezza!

SALVATORE: Pe mill’anne! (Tutti si fermano a due ali, il matrimonio di Felice a destra e quello di Belfiore a sinistra.)

AMBROGIO: Oh! Avvocà, la figlia vosta pure stammatina è sposata?

AGAPITO: Sissignore.

AMBROGIO: E bravo, facimmo una festa!

TUTTI: Evvivano gli sposi!... (Ambrogio guarda a Felice e a Carmela, pausa.)

CARMELA: (Mò vide che succede!).

FELICE: (Mò siente la mbomma!).

AMBROGIO: Embè, e che se fa?... nce stamme accussì, pigliateve li spose sotto a lo vraccio, e ghiammoncenne.

FELICE: Io sono pronto. (Dà il braccio a Beatrice.)

LUIGI: E io pure. (Dà il braccio a Carmela.)

AMBROGIO: Comme! e che signffica chesto? (A Luigi.) Chi siete voi?

LUIGI: Quello che ha sposato vostra figlia, col vostro consenso, Luigi Belfiore!

AMBROGIO: Niente affatto. Luigi Belfiore, è chillo là. (Mostra Felice.)

AGAPITO: Ma che siete pazzo, questo si chiama D. Felice Sciosciammocca.

FELICE: Chelli lettere che trovasteve dinta a la sacca mia, erene de Luigi che me l’aveva date a tenè, e io aggio acconsentito a tutto chello che vuliveve vuje pe me piglià li denare mieje.

AMBROGIO: Possibile! A me quest’inganno? Neh, Salvatò?...

SALVATORE: E che volite fà, princepà, chiste so’ tanta gente.

AMBROGIO: E tu, figlia birbante, che non m’hai ditto niente?...

CARMELA: Ma papà, agge pacienzia, tu pecché te piglie tanta collera, io m’aveva spusà Luigi Belfiore? e chisto è isso!...

TUTTI (meno Elvira ed Ambrogio): Vivano gli sposi! (Gridando.)

AMBROGIO: Aspettate, dunche vuje site chillo giovene de la festa de ballo?

LUIGI: Perfettamente.

AMBROGIO: Architetto?

LUIGI: Architetto!...

TUTTI (c.s.): Vivano gli sposi!

AMBROGIO: Puzzate sculà! Stateve zitte!... (Avvocà, vulimme fà chillo faccia a fronte?).

AGAPITO: (Che lo facimmo a fà D. Ambrò, chillo mò so’ spusate!).

AMBROGIO: E va bene, non nce penzammo cchiù, me l’avite fatta!

TUTTI: Bravo! Bravo!

SALVATORE: Princepà, si non ve dispiace, comme stamme mò, jammo a fà una tavola ncampagna.

AMBROGIO: Comme vulite vuje.

TUTTI: Jammo, jammo!...

FELICE (al pubblico): Signori miei, vuje avite visto che aggio passato pe cagnà casa, e pe na distrazione, perciò stateve attiente, non cambiate mai teatro, venite sempe ccà!...

(Cala la tela.)

Fine dell’atto terzo

Fine della commedia