IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
LUCIELLA: Li maccarune stanno ntavola.
FELICE (a Luciella): (Sto pranzo da dò è asciuto?).
LUCIELLA: (Da lo trattore vicino...).
BARTOLOMEO: Jammo, jammo a mangià, non ne sia niente più. Viene, Feliciè, mò veramente te voglio cchiù bene de primma. Signor D. Luigi date il braccio a mia figlia.
GIULIO: Subito. Mi fo un dovere. (Esegue, andandosene.) (Amalia mia!)
AMALIA: (Giulio de sto core!). (Viano.)
BARTOLOMEO: Viene, Feliciè, viene, chesta cosa mi ha fatto smovere cchiù l’appetito. (Via.)
LUCIELLA.: Comme chi è? E lo cuoco vuosto, vuje l’avite ditto... venite a mangià, venite a mangià. (Via.)
FELICE: Ne, guè, chi cancaro sì tu? Da dò sì venuto? Chi t’ha mannato? Parla mmalora!...
PULCINELLA: Che volite sapè?
FELICE: Tu chi sì?
PULCINELLA: Io songo Monzù Pastabignè, lo cuoco vuosto, vuje l’avite ditto; certamente non avite ditto buscia.
PULCINELLA: Vuje site lo patrone mio. Vuje me date 30 ducate a lo mese, e io ve servo...
PULCINELLA: Mò non pozzo darve retta, tengo li brasciole ncoppa a lo fuoco, me metto paura che non pigliano sotto... dateme licenzia...
FELICE: Ma...
PULCINELLA: Non pozzo... le brasciole me premeno assaje. (Via seguito da Felice.)