SCENA PRIMA

Nannina in iscena e Michele e Rosina.

MICHELE (di d^o): Trase, non te mettere paura. (A Nannina:) Bella figliò, lo Barone nce sta? (Fuori con Rosina.)

NANNINA: Sissignore... sta dinto... ma... vedite...

MICHELE: Chiammatemillo, non ve mettite paura. Chillo na vota non nce poteva vede, ma mo songo sicuro che doppo lo fatto de 5 journe fa s’è cambiato e nce tratta bene. Guè ca io lo levaie da miezo a li fiamme.

NANNINA: Ma che l’avite da dicere?

MICHELE: Oinè, tu tiene troppe chiacchiere, che te ne preme de sapè chello che l’aggia dicere, l’aggio da parlà.

NANNINA: Ah lo vedite ccà che ghiesce. Permettete. (Via.)