IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
ATTO SECONDO
SCENA NONA Timoteo, e detto, poi Marletto e Concetto, poi Federico indi Marietta.
I link alle concordanze si evidenziano comunque al passaggio
Timoteo, e detto, poi Marletto e Concetto, poi Federico indi Marietta.
TIMOTEO: Neh, Feliciè, e non viene? Haje pagato la modista?
FELICE: L’aggio ditto che venesse dimane, pecché zizì io non teneva manco treccalle.
TIMOTEO: Pure na paccariata te faccio, non tenive manco treccalle, e te miette a fà lo splendido.
TIMOTEO: Tiene ccà, chesta è na carta, pagala, io tengo 6000 lire che Alessio ha esatte. (Le mostra), lo riesto mò lo metto dinta a sta scrivania (esegue. Felice va a guardare); jammo che chelle te stanno aspettanno... aspé, giacché mò nce trovammo, te voglio fà vedé la stanza che t’aggio assegnata pe stanotte, pecché tu rieste ccà, è convenuto.
FELICE: (Mamma mia, comme faccio!).
TIMOTEO: Chesta è adattata pe te. (Indica quella dove sta Concetto.) Viene la vide. (Per entrare.)
TIMOTEO: Comme, no, non te piace?
FELICE: No, dico, lasciate sta, pecché pigliarve sto fastidio, quanno me l’avite scelta vuje, basta.
TIMOTEO: Allora jammoncenne dinto a lo ciardino.
CONCETTA (fa capolino): (E accossì?).
FELICE: Mò vengo, mò vengo. (Spinge Timoteo nella seconda porta a sinistra e via con lui.)
CONCETTA (uscendo): Lo nfame se ne ghiuto, ma si isso non torne, scenno io abbascio a lo ciardino, e me lo magno a morze.
MARIETTA: Guè, Concettè, che haje fatto?
CONCETTA: Ha ditto che lu padre l’ha fatto venì ccà, ma isso a me me vò bene e che mò torna e se ne scappa nzieme co me.
MARIETTA: Ma tu ccà non staje bona, si te vedono... Ah! Sento remmore... aspé, mò t’annasconno dinta a la cammena mia.
CONCETTA: E Feliciello?
MARIETTA: Te lo porto io stessa. ( Viano seconda porta a dritta esce Federico.)
FEDERICO: Non tengo cchiù capo, vaco pe fà na cosa, e ne faccio n’auta. Sto cancaro de sposo, m’ha fatto perdere li cervelle. Me dispiace che s’è fatto tarde, mò sonene 24 ore, e io ancora... Vene isso da chesta parte. (Si nasconde dietro la specchiera.)
FELICE (esce in punta di piedi, va alla prima porta a dritta, apre e chiama): Guè, Concettè?
FELICE: Quanno tutte vanno a tavola, io vengo zitto zitto ccà, me piglio li 6000 lire che zi zio ha chiuso dinta a la scrivania, e nce ne scappammo a na parte de chesta, volimmo fà tanta cose belle, non te movere da lloco, che nisciuno m’ha visto a me.
FEDERICO: Eh!... (Felice via per la secondo porta a sinistra ballando.) Seh! Fatte pure na ballata! Mamma mia che aggio ntiso, tutto chesto nce sta sotto, te voglio accuncià io te voglio. E sta Concettella chi è? (Esce Marietta.)
MARIETTA: (Povera compagna mia comme sta sbattuta).
FEDERICO: Guè Mariè, non saje niente?
MARIETTA: Che cosa?
FEDERICO: La sorte se sta scetanno pe me.
MARIETTA: Avete pigliato quacche terno?
FEDERICO: Eh, altro che terno. Mò mò, lo sposo de Giuseppina...
FEDERICO: Non accorgennose che io steva ccà, s’è accostata a chella porta e ha ditto: Concettè, quanno tutte vanno a tavola, io vengo, me piglio li 6000 lire che zi zio ha chiuso dinta a la scrivania, e nce ne scappammo a na parte de chesta.
MARIETTA: (Che pozza cecà ntutto e pe tutto, ne facesse una bona). Avisseve pigliato quacche sbaglio?
FEDERICO: Tu qua sbaglio, l’aggio ntiso co li recchie meje, e quanno se n’è ghiuto s’è fatto pure na ballata; mò vaco a dì tutte cose a D.a Angelarosa. (P.a.)
FEDERICO: Tu sì pazza, non voglio perdere no minuto de tiempo, lo voglio rovinare. (Via seconda porta a sinistra.)
MARIETTA: Mamma mia, e comme s’arreposa? Arrubarse 6000 lire! Aspè, la primma cosa è de fà scappà Concettella, pecché si la trovano annascosta dinta a la cammera mia, ccà succede no guaio. Si mò la faccio ascì guatta guatta.