SCENA UNDICESIMA

Nannina, Francisco, Biase e detti.

NANNINA: Che è stato. Uh! Papà mio, e che l’è venuto? papà, papà. (Gridando.) Qualcheduno.

BIASE: Che cos’è, che è succieso.

NICOLA: Figlia mia, Don Celestì, jammo ncoppa a la guardia. E tu pure haje da venì, comme staje mò.

NANNINA: Ma pecché neh papà?

NICOLA: Pecchesto. Jammoncenne. Don Celestì portatevella. (Si avvia con i servitori.)

FELICE: Vostro marito stanotte ve spara.

NANNINA: Possibile!

FELICE: Possibilissimo. Jammo, facite priesto. (Se la mette sotto il braccio.) Duje mise fa avevemo da j a lo Municipio, mò jammo ncoppa a la guardia.

TUTTI: Alla guardia. (Viano pel fondo.)

(Cala la tela.)

Fine dell’atto secondo