IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
OLIMPIA (dalla sinistra): Gué, Gervà, stai ccà?... E maritemo Petruccio che sta facenno?
GERVASIO: È ghiuto mò proprio dinto a lo deposito a sistemà certa rroba che arrivaje ajere.
GERVASIO: No ancora, princepà.
OLIMPIA: A chest’ora ancora s’ha da ritirà, mò che vene te faccio sentere! Sape comme stongo io, in che palpiti, in che agitazioni mi trovo, e chella se sta tanto tiempo fore de casa. Mo addò è ghiuta, vorrìa sapé... a chest’ora la messa avarria avuta fenì... Pe causa soja, me trovo dinto a nu guajo, pe causa soja stanotte, non aggio potuto chiudere uocchio.
GERVASIO: Ma ch’è stato, princepà?...
OLIMPIA: Niente, niente. Dimme na cosa, maritemo è ghiuto a guardà chelle doje pupe stammatina?
GERVASIO: Nonsignore, e pecché l’aveva guardà, chelle stanno tanto belle llà dinto.
OLIMPIA: Stanno tanto belle? Volesse lo Cielo!... Gervà tu m’haje aiutà, tu haje da essere, de la parte nostra, pe no guajo, na rovina ch’è succieso.
GERVASIO No guajo! Na rovina! E de che se tratta, princepà?
OLIMPIA: Io te dico tutto, ma pe carità, sa...
GERVASIO: Non dubitate, princepà, chesto che cos’è, pe chi m’avite pigliato?...
OLIMPIA Haje da sapé, che ajere, dinto a controra, mentre Petruccio, maritemo, steva dormenno, Gemma le prodette la capa de j a guardà li 2 pupe, e pe ffà parlà, se mettette a tuccà tutti i bottoni, non sapenno che invece aveva premere solamente lo primo, e tira da ccà, tira da llà, a chesta e a chella, se guastajene li 2 machine, e le pupe non se movettero cchiù.
OLIMPIA: Che dico?... Io si non morette fu nu miracolo... là per là, senza perdere tiempo, mannai alla fabbrica, facette venì a Stefano e a Salvatore, i quali poverielli, subito subito, le levajeno li veste e se li purtarono,... m’hanno promesso che l’acconciano e li portano dimane... t’assicuro che tengo la freva ncuollo!... Si maritemo se n’addona comme se fa?... Chiilo nce ha faticato tanto tiempo, specialmente pe farle tale e quale a nuje...
GERVASIO: Vuje vedite, vuje vedite!...
OLIMPIA: E si non li sanno accuncià, si li guastano cchiù assai?
GERVASIO: Non solo de chesto; ma si stammatina veneno gente che li vonno vedé, comme se fa? Chisto veramente è no guajo!...
OLIMPIA: Petruccio, figurati, Tene chilli rami de pazzia... quanno have no dispiacere, è capace de qualunque cosa. L’autriere pecché me truvaje parLanno co no giovinotto, se jette a menà a mare!...
OLIMPIA: Già, pe gelosia... Gervà, tu nce haje aiutà, tu puoi salvare la posizione.
OLIMPIA: Siente... io aggio fatto na penzata; si vene quaccheduno ca le vulesse vedé, tu nce avvise subito a me e a Gemma, e nuje zitto zitto arapimmo li purticeile che stanno dereto, e nce situammo addò stevene loro. Isso li ppupe li ffà movere sempe da te, tu fai vedé che tuocche i buttoni, e nuje facimmo tutti i movimenti... che te ne pare?
GERVASIO: Sangue de Bacco, vuje avite fatto na penzata magnifica! E se capisce, chesta è l’unica cosa che se poteva fà, chelle so’ tale e quale a buje, che difficoltà nce stà? Allora calmateve, prencepà, sperammo che ogge nisciuno venesse e si vene quaccheduno, nce stà lo mezzo p’arreparà. Li veste de li pupe le tenite vuje?
OLIMPIA: Sì, tengo tutte cose.
OLIMPIA: Tu non t’haje da movere da ccà pe essere pronto ad avvisarci.
GERVASIO: Non dubitate, pe chesto.
OLIMPIA: Grazie tanto, io pò te regalo.
GERVASIO: Ma nonsignore, io chesto non lo vaco trovanno.
OLIMPIA: E bì si vene, vì si se rompe li gamme!...