Oratio

Domine Adiutor et Protector noster, adiuva nos, per inviolabilem Virginitatem concessam ante partum Beatissimae

Virgini tuae Mariae, ut refloreat caro nostra vigore pudicitiae et sanctimoniae novitate, ereptamque de manu tartari in resurrectione ante thronum tuum iubeas praesentari, qui vivis et regnas in saecula saeculorum. Amen.

Unica spes mea Iesus, et post Iesum Virgo Maria. Amen.

Tota pulchra es, Maria,

Et macula originalis non est in te.

Tu gloria Ierusalem,

Tu laetitia Israel,

Tu honorificentia populi nostri.

Tu advocata peccatorum,

O Maria, O Maria.

Virgo prudentissima,

Mater clementissima,

Ora pro nobis.

Intercede pro nobis ad Dominum Iesum Christum.

V). In conceptione tua, Virgo, Immaculata fuisti.

R). Ora pro nobis Patrem, cuius Filium peperisti.