PRECATIONES ANTE MISSAM

Gregorius XIII. pontifex maximus concessit cuilibet dicenti quae sequuntur quinquaginta annorum indulgentiam.

Ego volo celebrare missam, et conficere corpus et sanguinem Domini nostri Iesu Christi, iuxta ritum s.r.e. ad laudem omnipotentis Dei, totiusque curiae triumphantis, ad utilitatem meam, totiusque curiae militantis, pro omnibus qui se commendaverunt orationibus meis in genere et in specie, et pro felici statu sanctae romanae ecclesiae. Amen.

Gaudium cum pace, emendationem vitae, spatium verae poenitentiae, gratiam et consolationem sancti Spiritus, perseverantiam in bonis operibus, tribuat nobis omnipotens et misericors Dominus. Amen.

IESUS, MARIA, IOSEPH