HYMN 35

agninendreNa varuNena viSNunAdityai rudrairvasubhiH sacAbhuvA
sajoSasA uSasA sUryeNa ca somaM pibatamashvinA
vishvAbhirdhIbhirbhuvanena vAjinA divA pRthivyAdribhiH sacAbhuvA
sajoSasA uSasA ...
vishvairdevaistribhirekAdashairihAdbhirmarudbhirbhRgubhiH sacAbhuvA
sajoSasA uSasA ...
juSethAM yajñaM bodhataM havasya me vishveha devau savanAva gachatam
sajoSasA uSasA sUryeNa ceSaM no voLhamashvinA
stomaM juSethAM yuvasheva kanyanAM vishveha devau savanAva gachatam
sajoSasA uSasA sUryena ceSaM ...
giro juSethAmadhvaraM juSethAM vishveha devau savanAva gachatam
sajoSasA uSasA sUryeNa ceSaM ...
hAridraveva patatho vanedupa somaM sutaM mahiSevAva gachathaH
sajoSasA uSasA sUryeNa ca trirvartiryAtamashvinA
haMsAviva patatho adhvagAviva somaM sutaM mahiSevAva gachathaH
sajoSasA uSasA sUryeNa ca trir...
shyenAviva patatho havyadAtaye somaM sutaM mahiSevAva gachathaH
sajoSasA uSasA sUryeNa ca trir...
pibataM ca tRpNutaM cA ca gachataM prajAM ca dhattaM draviNaM ca dhattam
sajoSasA uSasA sUryeNa corjaM no dhattamashvinA
jayataM ca pra stutaM ca pra cAvataM prajAM ca dhattaM draviNaM ca dhattam
sajoSasA uSasA sUryeNa corjaM ...
hataM ca shatrUn yatataM ca mitriNaH prajAM ca dhattaM draviNaM ca dhattam
sajoSasA uSasA sUryeNa corjaM ...
mitrAvaruNavantA uta dharmavantA marutvantA jariturgachatho havam
sajoSasA uSasA sUryeNa cAdityairyAtamashvinA
aN^girasvantA uta viSNuvantA marutvantA jariturgachatho havam
sajoSasA uSasA sUryeNa cAdityair...
RbhumantA vRSaNA vAjavantA marutvantA jariturgachatho havam
sajoSasA uSasA sUryeNa cAdityair...
brahma jinvatamuta jinvataM dhiyo hataM rakSAMsi sedhatamamIvAH
sajoSasA uSasA sUryeNa ca somaM sunvato ashvinA
kSatraM jinvatamuta jinvataM nR^In hataM rakSANsi sedhatamamIvAH
sajoSasA uSasA sUryeNa ca somaM ...
dhenUrjinvatamuta jinvataM visho hataM rakSAMsi sedhatamamIvAH
sajoSasA uSasA sUryeNa ca somaM ...
atreriva shRNutaM pUrvyastutiM shyAvAshvasya sunvato madacyutA
sajoSasA uSasA sUryena cAshvinA tiroahnyam
sargAniva sRjataM suSTutIrupa shyAvAshvasya sunvato madacyutA
sajoSasA uSasA sUryeNa cAshvinA
rashmInriva yachatamadhvarAnupa shyAvAshvasya sunvato madacyutA
sajoSasA uSasA sUryeNa cAshvinA ...
arvAg rathaM ni yachataM pibataM somyaM madhu
A yAtamashvinA gatamavasyurvAmahaM huve dhattaM ratnAni dAshuSe
namovAke prasthite adhvare narA vivakSaNasya pItaye
A yAtaM ...
svAhAkRtasya tRmpataM sutasya devAvandhasaH
A yAtaM ...