Table of Contents | Words: Alphabetical - Frequency - Inverse - Length - Statistics | Help | IntraText Library

Rig Veda (Sanskrit)
IntraText CT - Text
  • Book 8
    • HYMN 98
Previous - Next
Click here to hide the links to concordance

HYMN 98


indrAya sAma gAyata viprAya bRhate bRhat
dharmakRte vipashcite panasyave
tvamindrAbhibhUrasi tvaM sUryamarocayaH
vishvakarmA vishvadevo mahAnasi
vibhrAjañ jyotiSA svaragacho rocanaM divaH
devAsta indra sakhyAya yemire
endra no gadhi priyaH satrAjidagohyaH
girirna vishvataspRthuH patirdivaH
abhi hi satya somapA ubhe babhUtha rodasI
indrAsi sunvato vRdhaH patirdivaH
tvaM hi shashvatInAmindra dartA purAmasi
hantA dasyormanorvRdhaH patirdivaH
adhA hindra girvaNa upa tvA kAmAn mahaH sasRjmahe
udevayanta udabhiH
vArNa tvA yavyAbhirvardhanti shUra brahmANi
vAvRdhvAMsaM cidadrivo dive\-dive
yuñjanti harI iSirasya gAthayorau ratha uruyuge
indravAhA vacoyujA
tvaM na indrA bharanojo nRmNaM shatakrato vicarSaNe
A vIraM pRtanASaham
tvaM hi naH pitA vaso tvaM mAtA shatakrato babhUvitha
adhA te sumnamImahe
tvAM shuSmin puruhUta vAjayantamupa bruve shatakrato
sa norAsva suvIryam

 



Previous - Next
Table of Contents | Words: Alphabetical - Frequency - Inverse - Length - Statistics | Help | IntraText Library
Best viewed with any browser at 800x600 or 768x1024 on Tablet PC
IntraText® (V89) - Some rights reserved by EuloTech SRL - 1996-2007. Content in this page is licensed under a Creative Commons License