Carlo Goldoni
I pettegolezzi delle donne

ATTO PRIMO

Scena Terza. Checca, Beppo, Pantalone, paron Toni

Precedente

Successivo

Link alle concordanze:  Normali In evidenza

I link alle concordanze si evidenziano comunque al passaggio

Scena Terza. Checca, Beppo, Pantalone, paron Toni

 

Pantalone - Oh che bella conversazion! Oh che parentà che gh'avè! (a Toni)

Paron Toni - Gh'ho gusto che le sia andae via. Faremo meggio le nostre cosse tra de nualtri. Checca, xe qua el novizzo, xe qua el compare; se ti vol l'anello, Beppo te lo darà. Siben che no ghe xe comarezzo,9 n'importa, no mancherà tempo de far un poco de tibidoi.10

Checchina - Per mi, co ghe xe Beppo, ghe xe tutto el mondo.

Beppo - E mi no desidero altro che la mia Checca.

Pantalone - Via, tiolè: questo xe l'anello, mettèghelo in déo. (a Beppo)

Beppo - Come se fa? Insegnème.

Pantalone - Oh che omo! Ghe vol tanto? Cussì se fa. (prova a mettere l'anello a Checca)

Beppo - Via, via, farò mi. No ve onzè11 le man.

Pantalone - Seu zeloso? Son vostro compare.

Beppo - La diga, sior Pantalon, co el compare l'ha l'anello, l'ha fenio?

Pantalone - Sì ben, se volè, averò fenio.

Paron Toni - Eh via! Seu matto? No cognossè sior Pantalon? No savè che omo ch'el xe?

Pantalone - Compare, xe vintiquattro ore sonae. Ho desparecchià, ho desarmà la barca, e no son più bon da vogar.

Beppo - Oh che caro sior Pantalon! El me fa da rider. Via, vardè se fazzo pulito. (mette l'anello a Checca)

Checchina - Me spóselo adesso?

Paron Toni - Siora no, el ve el segno.12

Checchina - Che bisogno ghe xe de segno? El me pol sposar alla prima.

Paron Toni - Bisogna far le cosse una alla volta.

Checchina - Oh, co bello che el xe sto anello!

Pantalone - Ve piàselo?

Checchina - Me piase l'anello, ma me piase più chi me l'ha .

Pantalone - Mi ve l'ho .

Checchina - Eh, digo chi me l'ha messo in déo.

Pantalone - Oh putti, me consolo. Vago a far i fatti mii. El ciel ve benediga; se ve bisogna qualcossa, comandème. (Oh che bella cossa che xe l'esser zoveni! Ma pur, siben che son vecchio, sta fonzion la farave anca mi. Fina el segno lo daria, ma per de più no me posso impegnar). (da sé, e parte)

 

 





p. -
9 comarezzo: invito di donne.



10 tibidoi: allegria.



11 onzè: ungete.



12 el segno: quasi pegno.



Precedente

Successivo

Best viewed with any browser at 800x600 or 768x1024 on Tablet PC
IntraText® (VA1) - Some rights reserved by Èulogos SpA - 1996-2009. Content in this page is licensed under a Creative Commons License