Disticha XI-XV

XI.

Adversum notum noli contendere verbis;
Lis minimis verbis interdum maxima crescit.

XII.

Quid deus intendat, noli perquirere sorte;
Quid statuat de te, sine te deliberat ille.

XIII.

Invidiam nimio cultu vitare memento,
Quae si non laedit, tamen hanc sufferre molestum es

XIV.

Esto animo forti, cum sis damnatus inique;
Nemo diu gaudet, qui iudice vincit iniquo.

XV.

Litis praeteritae noli maledicta referre;
Post inimicitias iram meminisse malorum est.