Table of Contents: Main - Work | Words: Alphabetical - Frequency - Inverse - Length - Statistics | Help | IntraText Library
Decimus Magnus Ausonius
Parentalia

IntraText CT - Text

Previous - Next

Click here to hide the links to concordance

10 - Attusius Lucanus Talisius socer

 

Qui proceres veteremque volet celebrare senatum
claraque ab exortu stemmata Burdigalae,
teque tuumque genus memoret, Lucane Talisi,
moribus ornasti qui veteres proavos.
Pulcher honore oris, tranquillo pectore, comis,
facundo civis maior ab ingenio;
venatu et ruris cultu victusque nitore omne
aevum peragens, publica despiciens:
nosci inter primos cupiens, prior esse recusans, ipse
tuo vivens segregus arbitrio.
Optabas tu me generum florente iuventa:
optare hoc tantum, non et habere datum.
Vota probant superi meritisque faventia sanctis
inplent fata, viri quod voluere boni.
Et nunc perpetui sentis sub honore sepulcri,
quam reverens natae quamque tui maneam.
Caelebs namque gener haec nunc pia munera solvo:
nam et caelebs numquam desinet esse gener.




Previous - Next

Table of Contents: Main - Work | Words: Alphabetical - Frequency - Inverse - Length - Statistics | Help | IntraText Library

Best viewed with any browser at 800x600 or 768x1024 on Tablet PC
IntraText® (V89) - Some rights reserved by Èulogos SpA - 1996-2007. Content in this page is licensed under a Creative Commons License